गावठी चिकन

साहित्य : 

• अर्धा /एक  किलो चिकन 
• एक वाटी खवलेले नाहीतर किसलेले  खोबरे.
• ४-५ पाकळ्या लसूण.
• १ कांदा उभा चिरलेला.
• अर्धी वाटी चिरलेली  कोथिंबीर 
• १ चमचा हळद.
• २ चमचे दही. 
• २ मोठे चमचे तेल.
• १ लहान पातेले  गरम पाणी.
• २ मोठे चमचे लाल तिखट.

(वरील खोबरे , कांदा, लसूण कढईत भाजून घ्यावे हे मिश्रण गार झाले  की त्यात कोथिंबीर चिरून टाकावी आणि मिक्सर ला बारीक वाटून घ्यावे.)

कृती :

• चिकन नीट साफ करून घ्या, त्याला हळद, मीठ , दही लावून अर्धा ते पाऊन तास बाजूला ठेवावे.पातेले गरम करायला ठेवावे, नंतर त्यात तेल टाकावे.
• तेल गरम झाले की त्यात वरील मसाला मिश्रण टाकावे, थोडेसे भाजून घ्यावे.
• मसाला भाजून झाला असेल तर त्यात हळद , मीठ , दही लावलेले चिकन टाकावे.
• चिकन आणि मसाला छान परतून घ्या,चिकन थोडे गरम झले कि त्यात पातेले भरेल इतके  पाणी ओता.
• उकळी येउ द्यावी ,१५ मि. नंतर लाल तिखट टाकावे.नंतर थोडे घट्ट होईपर्यंत शिजू द्यावे.
• चिकन शिजले की, वरून कोथिंबीर पेरावी.
• लाल झणझणीत गावठी चिकन ज्वारी, बाजरीच्या भाकरी आणि भातासोबत वाढावे.